NYIMBO CIA IBUKU 315 - 339

 MUGENDI ENDE CIA MUOYO 1. Ningi awitheragirie, Ona mathi agakira ki, Aigua mathi ki.   2. Mwihingei mirio ino, Getha muhoe Ngai muthimurirwo thimo, Muthimuri ni Roho.   3. Tianagai athingu na mwinyihanagirie, Nigetha kirathimo kimuthamakagire.   4. Mwaikara na wendani na ngwataniro, Ngai niarimwionithagia maria me mbere.   5. Hena muthathauri wa thawani na ngano, Acitire ikuranire menya haria we urungii.   6. Igai ria uuru riho na igai ria wega riho, Muthia wa mucara nowe mwene ukoimbura.   7. Maru nimakoinwo ni aria othe mari thi, Mainamie mothiu mao magathiririe Ngai.   8. Niugacokia ngatho wiroreire na Roho Mwene giti aikariire ho gukiinwo rwimbo rweru.   9. Mutitura mwiragwo ti inyuga munyugagwo, Nimuigiirwo wiyathi wiyathi wa maroho. Mugendi ende cia muoyo,   (Amina)

  ENDWA AKWA GIUKEI IRUGIRO  1. Endwa akwa giukei irugiro, Mwiyonere na mwiiguire, Ituanda riria atheru mwahumbwo Ni umwe wa utatu Mutheru.   2. Mwahumbwo nguo ya uiguano, Mwaiguana murutwo igongona, Na muitiririe nimi cianyu thayu, Wendo urire ciaraho-ini cianyu.   3. Roho niwe muhomori ngoro, Urio wake niuhomoraga, Maroho ma aria endi muoyo, Amaheaga mbuguiro ciama.   4. Mugicarie wendo wa Ngai, Menyagai niho hari uguni, Teithaniai na mwihokane, Mwi gikeno kia uria wamwitire.   5. Ni Ngai wanyu mumwamuri Na akamuitiriria maguta, Muthengagirire hari we.   6. Ni kiheo kinene muhetwo, Gia gwitaga Ngai ari iguru, Mundu wina mwiri akaiguo, Ni muiguire wa Ngai ari iguru.   7. Niundu wa thakame ya Mwathani, Na ruo ruria ruothe onire, Agicaria mbeu njega thi, Nikio muhoyaga mukaiguo.   8. Giukei tuuge Haleluyah, Nikumenya niturutitwo thi, Twerekeire mucii wa matu-ini, Ni kiugo giki kiega ki muoyo.  (Amina)

  THIKIRIRIAI MUIGUE MUMENYE 1. Thikiririai muigue mumenye, Guku thi kwina nduma nene, Tondu shaitani ni ehitite, Niekugarura ngoro huthu.   Umiririai munyite watho, Ciana cianyu ionye muoyo-ini, Tondu kwina thina munene, O tomiririo ni ngoro huthu.   2. Ngumuthaitha muhoe nama Muhumbwo utheru na wendani, Ni getha mbaara yokira, Muhotanire ciana cianyu.   3. Muiyurwo nitha na maithori, Tondu wa miiro iiyuire ngoro, Ya mawega ona mihango, Ya kugarura ngoro huthu.   4. Maundu maria nyonaga thi, Nimakugocithia ithe witu, Ndarikia wira wa ithe witu, Ngainukia iriithia kuu iguru.   5. Ngainukia iriithia kuu iguru, Ningagathiririo matu-ini, Mbere ya giti gia ithe witu.  (Amina)

ATHII NA KIHUTATI 1. Athii na kihutati muroconoka, Ruru rutithiagwo uria mundu eciria, Rwenda njamba ya mothe irutiire Ngai, Ruri iriga rukioneka ni githi gia thi.   2. Wee ngania ona wehitha no ngukumbura, Nuu ucio mwaritie nake ukamuhe uraro Ndundu iyo muraire nayo ndingitukithia Ngukumbura uthekererwo waga.   3. Nyumba ino ni ya uthamaki ndingiaga watho Tondu amiyui nio aingi ona amikararia, Ngarari maciaro mayo ni nyamukano, Nyamukano yatherema igaciara ugwati.   4. To mahoya ka-ka-ka-ka njoka ni njuku, To rwimbo ku-ku-ku- rurugwo mbuguiro ikaga, Uhoro wakinya hau mumbi maitho ombe, Ngai aheo wira wake atiire magiri.   5. Akuru ona aya ethi no Haleluyah Tondu muri thi-ini wakwa ndi thi-ini wanyu, Mumuciririri ariho ndari uri rema, Gutiri ungimungetera amwerekere. (Amina)

 JESU AKIUMA GUKU THI 1. Jesu akiuma guku thi ndaari ona mahitia, Nawe geria uhotane niguo ugakinya iguru.   Tiga urio na unyuo na miago ya guku thi, Ngai witu niakwendete nikio akuhonokirie.   2. Menyerera ngoro yaku riria uri Kanitha-ini, Niwe utheri gwi kirindi niguo aingi mahonokio.   3. Umenyo utari na uugi niguo uhingithanagia, Ugatuma ngoro cia aingi cikare itari hinya.   4. Gukena na kuhuruka ni aria maiyuirwo ni tha, Aria matahinganaga Kanitha-ini wa Ngai.   5. Menyerera ngoro yaku ndigatuike iringiro, Ria kurehe nyamukano Kanitha-ini wa Ngai.   6. Ngai baba twaguthaitha uri matu-ini Tuhoote mbara cia thi-ino na magerio ma mwiri.   7. Thi njeru na iguru rieru nikuo gutuire uthingu Turai na wihokeku niguo mukona Ngai.   8. Rwimbo rwa kugoca Ngai ni rukainwo matu-ini, Haleluyah Ngai witu urogocwo ni enyihia.\  (Amina)

  UHORO WA MA NDURI NGARARI 1. Uhoro wa ma nduri ngarari ni Mutheru, Ngarari nicio hinya wa andu aria maragia uhoro wa inegene. Wimenyerere ukiaria uhoro warie witigirite Ngai, Tondu niukorio urutani waku mucemanio-ini Ngai ari ho.   2. Ahunjia aingi maragia uhoro ngoro-ini ciao mena muku, Gukena ni aria maragia uhoro mena wega wa Ngai ngoro.   3. Arutani amwe maragia uhoro ngoro-ini ciao mena muku Gukena ni aria maragia uhoro mena wega wa Ngai ngoro.   4. Athuri amwe maragia uhoro ngoro-ini ciao mena muku Gukena ni aria maragia uhoro mena wega wa Ngai ngoro.   5. Atumia amwe maragia uhoro ngoro-ini ciao mena muku Gukena ni aria maragia uhoro mena wega wa Ngai ngoro.   6. Anake amwe maragia uhoro ngoro-ini ciao mena muku Gukena ni aria maragia uhoro mena wega wa Ngai ngoro.   7. Airitu amwe maragia uhoro ngoro-ini ciao mena muku Gukena ni aria maragia uhoro mena wega wa Ngai ngoro.   8. Anabii amwe maragia uhoro ngoro-ini ciao mena muku Gukena ni ...

  NI JESU WOIGIRE URIA UNYOTII NI OKE ANYUE 1. Ni Jesu woigire uria unyotii Ni oke anyue maai ngumuhe Ngoro-ini kuriumaga njuui Na ni cia maai ma kiroho   Nyota maita nyota no nyota Na mbia na ithaka no nyota Ona watonga ndunyotoka ona thi-ino  Ingetuika yaku   2. Daudi atumia aari na aingi Na ni oragithire Uria Ni getha matigwo na muka Nyota ndungininwo ni unene   3. Ngoro iria ihotagwo ni nyota Ni iria itoi kwina githima Mutumia Musamaria etikia nake akinyotoka   4. Samson anyitwo ni nyota Arega kumenya githima Delila akimukurithia maitho Githi to maciaro ma nyota.   5. Sisera tondu wa kunyota Etia maai akiheo iria Jaeli na higi na nyondo Akimuhurira thikiririo   6. Akani anyitwo ni nyota Akiiya kabuti na ikama Akininwo na nyumba yake Githi to maciaro ma nyota.   7. Saul erwo anine indo ciothe Agitigia ndurume noru Ona akihonokia Agagi Githi to maciaro ma nyota.  (Amina)

  MWATHINIO MUNO NI TWIYURAGIA GITUMI 1. Mwathinio muno ni twiyuragia Gitumi gia tuhinyiriio Riria kuri aingi hakuhi na ithui Matathinagio ta ithui. Ngai nowe ungihota kumenya Gitumi gia tuhinyiririo Cokia ngatho muru wa ithe witu Macio mothe baba ni amoi,   2. Gikuu gioka kuri aria twendaga Gitutigaga na maithori Tukeyuria twikite Ngai atia Ti itheru Baba hena gitumi   3. Ngai oka ringi ihinda ria muico Uguo niguo Mwathani oigire Matuku moru no magathira Na tukamuona kuu iguru.   4. Na twamuona Mwathani agicoka Akiuma mucii wa uthamaki Tukamutunga muthamaki ucio. (Amina)

  MUCEMANIO WA CAITANI NA ANDU AKE 1.   Mucemanio wa Caitani na andu ake  Ni wacemanitio mucii munene  Mecirie uria mekunina kanitha  Magitua mawatho na kuhitukia     Andu ni marekererio kanitha  Mabatithio na maigirirwo moko  O namo kuhonoka marekererio  No matikarekererio merire     2.  Muthenya wa kiumia marekererio  Muthenya wa giathi utuike munene  Moima kuo macoke marumiririo  Ikeno mithemba mariganirwo     3.  Mahingurirwo irathimo cia mwiri  O na indo ciao mureke cingihe  Kumenya matikamenye gitumi  Na matikaririkane cia iguru     4.  Nao aria mekuonwo ta mekumenya  Mumahingicithanie na morutani  Kamuira mecirie o ni arutani  Njira ya muoyo-ini mariganirwo     5.  Na aria matekwenda guthii kanitha  Mukamera athomi ni ta aguruki  Mumahuriririe nyumba cia ikeno  Mukamera guku ni kwa andu agima.  (Amina)

  WIRA URIA WETIIRWO NI NGAI ARI IGURU 1. Wira uria wetiirwo ni Ngai ari iguru Ni onire niguo ukwagiriire Ndukanerire ukiuruta wira ucio Tondu niguo aguthuriire   Ona warumwo ona wamenwo kiugo-ini Nguguthaitha ukiriririe Tondu uria wambiriirie ari iguru Na nowe ugoka kuurikia.   2. Andu amwe ni matuirwo athuri a Kanitha Na aria angi magituo ahunjia Ti mundu wendire gwithura enenehie Ni Ngai wamwiyamuriire   3. Ririkana riria wetirwo kiugo-ini Mwetirwo muri andu gikundi Amwe magicoka na thutha ni thina Nawe ukiuga nginya ugakua.   4. Ririkana riria wetirwo kiugo-ini Andu endi Ngai makirira Maririire Ngai uhonokio na uture Na thutha wamaconorithia   5. Mwatiganire na aciari aku na andu anyu Ni undu wa ritwa ria Mwathani Wira ucio wothe niukarihwo wi wothe Tondu Ngai ti wa ngariuku.  (Amina)

  NDIKUIGUA KARUMBETA NDIGUCOKA GUKOMA 1. Ndikuigua karumbeta ndigucoka gukoma Maya ti mahinda ma gukoma Jesu e hakuhi guka nikio mbaara ni nene Tondu ni mahinda ma magai.   Mbutu ya mucukani yambiriria gwathana Wambere ni kubatithia mehia Na njera yongererwo na thigari cia bata Na mawatho magarurirwo   2. Uthingu na uhoreri na witigiri Ngai Ni ibatithio maciitage urimu Nayo njohi ibatithio itwo mumenyereri. Mekuninwo ni mumenyereri   3. Andu ni mathii njaga niguo Ngai arakare Niguo mongererwo matuhuhu Matuhuhu maingiha namo ni mabatithio Mametage maundu ma Ngai.   4. Umaraya na utharia ciitagwo maendeleo Na kirumi gitwo kirathimo Jehanamu ibatithio mamitage ikenero Megutonya kuo matekumenya.   5. Mekwihoka mahaki mamatue ta ari Ngai Megutuika aici matekumenya Nao maiyure njera mehia matiri unene Na gutiri njera ya andu agima.   6. Maruri ni moneku maria Jesu arathire Na Caitani nikio atarakoma Ni kugeria na hinya ta uria angigaya andu aingi Na maundu ...

  INO NI HINDI IRIA YARATHIRWO  1.  Ino ni hindi iria yarathirwo  Matuku-ini ma ithiriro  Andu ni makarega Ngai  Meriragirie ikeno cia thi.     2.  Andu aria Mwathani atongoragia  Ni mari na uira ngoro-ini ciao  Wihia na gikuu kuri mugendi  Atheru mwiharirie nduma itanoka.    3.  Nginyo cia mugendi uria mwathiki  Ikinyagira hari Jesu  Ona matebeba mangiuka  Ngoro ya mundu ucio ndingienyenyeka.    4.  Mwaruta uira mwicokere  Mwaina rwimbo mwithime naruo  Ni undu ni Roho mumutari  Ningi muthuthuria wa ngoro cianyu.    5.  Roho niwe utwaragiriria  Ningi niwe utucayagira  Tigana na mwiri twambate  Tukahuruke minoga ya thi-ino,     6.  Ikeno nyingi kuu matu-ini  Irathimo nyingi matu-ini  Tukainaga na araika iguru  Twarikia kuhota mbaara cia thi ino.  (Amina)

  NDOGO NI YONWO   1.  Ndogo ni yonwo iraneneha  Athari a muoyo mutiihike  Ni utharwo ni utharwo na ihenya  Muthegei ni mwiki nai     2.  Wothe uui bata wa muoyo  Ekinyire erugamie wega  Ti hiu na ndotono ikurua  No ni mathaita ma Roho.     3.  Ihutati itigiria turuthii  Tukuwenyura tukinyukie  Twi miro ya Ngai ya Wira  Eke na ithui uria ekwenda.     4.  Iguoya itigiria tukene  Ithui turikitie kumenya  Ni Ngai mwene urarutana  Mahinda maya ma muthia.    5.  One wa Ngai erutaga uguo  Gukagia ithua kwoimagarwo  Muria wa gucokeria ngatho  Ha ucio ti umwe muiye maitho.  (Amina)

  NDURIRI CIA THI YOTHE TEGAI MATU MUIGUE   1.  Nduriri cia thi yothe tegai matu muigue  Uthingu ni gitugi na wendani ni tawa.     2.  Nguina ciiko cia uthingu wekirwo  Na uthingu uria wa Jehova watuire na Anabii guku thi     3.  Thakame ya Habili yakaira tiri-ini  Jehova akimitika tondu aari muthingu.     4.  Matuku-ini ma uthingu uria wari na Nuhu  Kiguu kiahumbiire miti na irima ciothe.     5.  Ni uthingu watumire thabina ihote maai  Tondu niyakuite uria muthingu.     6.  Ngoro ya Ibrahimu ni gitugi gia uthingu  Ni atumire nduriri citiririo irathimo.     7.  Isaka na Jakubu ciana cia Ibrahimu  Nio itugi cia uthingu ciagutira irathimo.     8.  Ngombo ithatu cia Ngai ciohirwo igiikio riiko  Ni uthingu wahotire mwaki wa Muthamaki.     9.  Miruthi yerwo irie Daniel ikiigua guoya  Tondu ni aari muthingu maitho-...

  NI NJAKIIRWO MUCII KIRIMA-INI IGURU   1.  Ni Njakiirwo mucii kirima-ini iguru  Ni njakiirwo mucii kirima-ini iguru  Ni njakiirwo mucii kirima-ini iguru  Ni ndihithe hari we, we ihiga.     2.  Ngai ni ekiriire Nuhu ruri matu-ini  Ngai ni ekiriire Nuhu ruri matu-ini  Akiuga ndagacoka kunina andu na maai  Ni ndihithe hari we, we ihiga.     3.  Ni ukuona kionje kiu gietagwo Lazaro  Ni ukuona kionje kiu gietagwo Lazaro  Kiaigua ruo rwa mwiri giakua gigithii iguru  Ni ndihithe hari we, we ihiga.    4.  Mwaki no ukaiyura rugondo na kianda  Mwaki no ukaiyura rugongo na kianda  Ngoro yakwa ngwika atia ndakua ndikanawone  Ni ngwihitha hari we, we ihiga. (Amina)    

  JAKUBU NGOMBO YA NGAI   1.  Jakubu ngombo ya Ngai na ni ndungata  Ya Muthinjiri Mutheru Mwathani Jesu    Gukena ni uria ugeragio  Na akahotana     2.  Gwi gitugi gia kanitha gia kwihokeka  Kieriirwo andu a mihiriga Ikumi na iri     3.  Waigua uhoro menyerera kuhiuha kwaria  Tiga kurakara narua ndukae kwihia     4.  Marakara matumaga mundu agerere  Njira ya gutonya irima riiyuire nduma     5.  Rurimi ni ta gacinga kari na mwaki  Tondu ni gacinaga thi yothe igathira    6.  Mundu uria uhotaga kuoha rurimi rwake  Na meciria ma uthingu nimurathime    7.  Witikio niuthararaga, wi ngoro cia andu  Maremwo nikuoha nimi ciao na uthingu  (Amina)

  JESU NI OKIRE THI TENE  1.  Jesu okire thi tene  Zayuni o tene  Twana turungii njira-ini tukiina Hosana,    2.  Jesu ndekwenda mburi  Kana indo cia thi  Muhei ngoro icio cianyu nicio imubatairie    3.  Na mwarega kumuinira  Nyimbo icio ciake  Mahiga ni makainaga makianagiriira     4.  Na mwarega kumujnira  Nyimbo icio ciake  Mahiga ni makainaga makianagirira     5.  Jesu ona umuthi,  We ndarakarire,  No gukena akenire ainirwo ni twana.   (Amina)

  NDATURAGA IRIMA-INI RIRIA NDERIGITWO   1.  Ndaturaga irima-ini riria nderigitwo  Jehova akinjuthiriria akiona ni ndorite  Akindugamia na hinya wake  Akinjira ndimurumirire    2.  Ni anjirire nguage ithanduku ndi mbaara-ini  Na agicoka akihe macabi ma ithanduku  Anjirire nguage ithanduku  Ndikanoge rugendo-ini,     3.  Utheri munene muno kuria njerekeire  Uria ngawonaga mucii-ini wa matu-ini  Ndarikia kuhotana mbaara-ini     4.  Andu mehia Nuhu niahaicire iguru ria thi  Mbura ikiura  Andu aria aganu makininwo  Jehova akimwariria akimwira haruruka,     5.  Kirima-ini ni ndaheirwo nguo cia kwihumba  Nguo njiru cia kwihumbagirwo ni agendi aake  Aria megwitikira gucambio  Na kuhuruo muno ni undu wake.     6.  Nguo njiru tugacenjanerio na ingu njeru  Hindi Jehova Ngai akona ni twahotana  Kuria kumanite na Mwathani  Ton...

  JEHOVA NA JESU NA ROHO MUTHERU   1.  Jehova na Jesu na Roho Mutheru  Me wendo utathuthikaga  No Araika na andu aria Ngai ombire  Nio Ngoma ahenagiriria.     Nama gutianagia ona gutikagia  Andu ega megukararania  Gukararanagio ni andu ega na oru  Amwe magatuika igai ria ngoma.     2.  Ni kwagiire ngarari mbere ya Ngai  Riria ngoma aiyuririe njuku  Thi-ini wa Araika othe magikararania  Amwe magituika igai ria ngoma.    3.  Ngarari nicio thu cia uhoro wa ma  Ciahurunjire kirikaniro kia araika  Othe magikararania  Amwe magituika igai ria ngoma.     4.  Ibrahimu na Loti maturite me ngoro imwe  Riria magiire indo  Loti athii Sodomu magikararania  Amwe magituika igai ria ngoma.    5.  Nuhu oima thabina na andu makiingiha  Othe magiaka kibabeli  Makiaga mahoya magikararania  Amwe magituika igai ria ngoma.     6...

JEHOVA AHANDIRE IRIKANIRO  1.  Jehova ahandire irikaniro  Thiini wa ngoro ya Iburahimu  Na agiciihitira miihitwa ya ma  Mitheru na ndakagaruruka    Ni atuirwo gitina  Ki hinya na gitingienyenyeka  Ni kirumu giakirwo na uugi  Gikirugamio iguru wa ihiga     2.  Musa ni oimiriirwo kihinga-ini  Ni mutumwo wa Jehova akiirwo  Aikuruke Misiri akahingie  Ciiraniro cia ithe Iburahimu     3.  Ni athire na hinya wa Jehova  Akiruta andu othe kuo  Makinya njira-ini magiika uuru  Magithengio he ithe Iburahimu     4.  Meheririo irathimo-ini cia Ithe  Na mihitwa iria yama mitheru  Makigirio magae irikaniro  Matungatagire mihianano     5.  Ciana ciake ciakinya Kanani  Meririirie ngai wa nduriri  Samueli aciarwo agithaitha Jehova  Makieruhirio kirikaniro     6.  Daudi nierirwo  Ni Roho wa Ngai wa Jakubu  Irikanir...

  NGWENDA KUHANA TA JESU   1.  Ngwenda kuhana ta Jesu ngoro yakwa x3,  Ngoro yakwa na mwiri wakwa,  Ngwenda kuhana ta Jesu ngoro yakwa.     2.  Ndikwenda kuhana ta mundu ngoro yakwa x3,  Ngoro yakwa na mwiri wakwa,  Ndikwenda kuhana ta mundu ngoro yakwa.     3.  Ndikwenda kwiruta ta mtindu ngoro yakwa, x3,  Ngoro yakwa na mwiri wakwa,  Ndikwenda kwiruta ta mundu ngoro yakwa.     4.  Ngwenda kwiruta na Jesu ngoro yakwa x3,  Ngoro yakwa na mwiri wakwa,  Ngwenda kwiruta na Jesu ngoro yakwa.     5.  Ngwenda witikio ta wa atumwo ngoro yakwa x3,  Ngoro yakwa na mwiri wakwa,  Ngwenda witikio ta wa atumwo ngoro yakwa.     6.  Ngwenda uthingu ta Iburahimu ngoro yakwa x3,  Ngoro yakwa na mwiri wakwa,  Ngwenda uthingu ta Iburahimu ngoro yakwa.    7.  Ngwenda Roho ta wa Jesu ngoro yakwa x3,  Ngoro yakwa na mwiri wakwa,  Ngwend...

  RIU KENAI NI GWATHIKIRA KIUGO KIA NGAI WANYU  1.  Riu kenai ni gwathikira kiugo kia Ngai wanyu  Uguo ki muoyo  Noguo giakuria wothe mugiathikiri     2.  Kirathimo ti gia kiguta kana mugondereri  Tondu hitho-ini ya ngoro  Ndari muthithu wayo.    3.  Muira wa thi nowe wa iguru  Ni roho uria muitiriirio  Athamakite no agathamaka  Akegatha na aria atoria.     4.  Hindi iyo noguo ukariganirwo ni mbaara nene ya thi  Uririkane thakame yaitirwo  Ni getha we woneke.     5.  Ni ukerorera na maitho ma roho magegania ma iguru   Uthaganitio wihumbo mweru   Riri wa thoguo ugae     6.  Maithori maku ni makagirio maria waririre thi  Igenyo nene na huhi nyingi  Watuura ukiririirie. (Amina)

  MWITHAMBEI ETHAMBE HAHA ONE UGI  1.  Mwithambei ethambe haha one ugi, githima-ini  Kia rumwe rwa atheru niho hena muoyo wa tene na tene x 2    2.  Twi endithiei haha he mutwendi, utatwagiire gia kuria  Na kunyua, Roho niwe muhunia wa ngoro x2.    3.  Tukuhiririei haha he mutwiti, ni mutheru na enda  Uria mwitheria, Rwiga rwiho atheru mwihikei x2.     4.  Kiugo kia Ngai witu ni thahabu ituire muoyo yenda  Uria mwitheria, Mwathwo athika niwe gikuragia x2.    5.  Muti wa muoyo ni wa aria endi rumwe, urumwe wao guo  Ni mwendi muoyo, Kuu no nduruhi cia maroho mao x2.   (Amina)

  INYUI A NYUMBA YA MUTHAMAKI  1.  Inyui a nyumba ya muthamaki  Gikeno kianyu ni kiiganire  Ngoro cianyu irogia na thayu  Na mwikindirio wa roho wama.     2.  Kiriko kia Roho wa Mwathani  Nikio kiumithitie atheru  Mugagitanio na aria me iguru  Wathiki nirio igai rianyu.    3.  Muri a muthemba wa ucio wi iguru  Niwe utenda wothe mwigathi  Na niwe ukaheana mucara  Kwinyihia nirio igai rianyu.    4.  Nditiganiria uria mundiithia  Nditungataga na aria enyihia  Ni undu ndi Roho muoni me mbere  Ndingietererwo ndiri ta mundu.     5.  Ndimuregu uugi wa mundu  Ndingitongorio ni momba makwa  Mwihugirei mirio miite thi  Ni undu he kirathimo na ihura.     6.  Ni njagite uikaro thi-ino  Ndimutuite itugi i muoyo  Mutuike imuri mwarire aya a thi  Mumumbi ni amuigiire manene     7.  Hosana njeru ii mbere yanyu...

  UTURO WA MWATHANI MUWARIA ARI HO   1.   Uturo wa Mwathani muwaria ari ho  Ona gitaririo gia kiyo giake  Ha uhoro wa uthingu ndari na ucuke  Giothe ni ahotire.  Ni hau; Gutukia Mwathani ti undu muhuthu  No nginya mundu onanie ari na kiyo.     2.  Ehokeirwo mioyo na akimihanda  Ehokeirwo miiri na akimikuria  Wihokeku wake ni wagire ucuke  Nginya hari ithe.  Ni hau; Gutukia Mwathani ti undu muhuthu  No nginya mundu onanie ni mwihokeku.    3.  Gwakinya wira-ini ndaari wa thutha  Ndaari wa kurigia maundu-ini  Aari urume na agika aiyuragwo ni tha na wendo.  Ni hau; Gutukia Mwathani ti undu muhuthu  No nginya mundu onanie ena wendo.     4.  Eguikire nguo ya gukiririria  Akirua na ruo rwa ngoro  Arengaga njayo ena thithino nyingi  Akiaria na ithe.  Ni hau; Gutukia Mwathani ti undu muhuthu  No nginya mundu onanie ena gikiriririo.  ...